Lo manifèste
Dètz annadas après las manifestacions d’Anem Òc, Carrièras Occitanas contunha d’afirmar l’occitan coma lenga viva, populara e de societat.
L’an passat a Vilafranca de Roergue faguèrem las carrièras occitanas tot en portant l’ostal de Joan Petit. Foguèrem nombroses a voler faire moviment.
Alara, contunhem de balhar de vam a un moviment que sosten l’idèa qu’avèm besonh de diversitat culturala tant coma de diversitat ecologica o umana. Defendam una lenga per totes, que nos permeta de créisser amassa dins una societat dubèrta, conscienta de son environament coma de son istòria. Mai un pòble pòrta collectivament sa cultura, mai es capable de s’organizar, de crear, d’aculhir e de partejar.
Dins aquela dralha apelam a una manifestacion massiva a Montsegur los 17 e 18 d’octobre.
Que li digan castèl catar o fortalesa reiala, Montsegur es d’en primièr un luòc de refugi que simboliza a l’ora d’ara la resisténcia de totas las minoritats contra l’empèri.
A l’encontre d’una museificacion a fum de calhau, fagam de Montsegur un espaci viu e d’emancipacion.
Amassa, bastiscam un fare sus aqueste puèg, qu’esclaire Occitània tota e nos dubrisca al monde.
Concèrts, conferéncias e accions.
Estem nombroses !
Dètz ans après las manifestacions d’Anem Òc, Carrèras Occitanas que contunha d’afirmar l’occitan coma lenga viva, populara e de societat.
L’an passat a Vilafranca-de-Roergue que hasom las carrèras occitanas en tot portar l’ostau de Joan Petit. Qu’estèm nombrós a vóler hèr movement.
Alavetz, contunhem a balhar arsec a un movement qui sostien l’idea que nse hè nacèra d’aver diversitat culturau tant com diversitat ecologica o umana. Que defenem ua lenga tà tots, qui’ns permeterà de créisher amassa en ua societat ubèrta, conscienta deu sué environament tant com de son istòria. Mes un pòble e pòrta collectivament sa cultura, mes ei capable de s’organizar, de crear, d’arcuélher e de partatjar.
En aquera via, qu’aperam a ua manifestacion massiva a Montsegur los 17 e 18 d’octobre.
Que l’apèren castèth catar o hortalessa reiau, Montsegur qu’ei, prumèr, un lòc de refugi que simboliza uei lo dia la resisténcia de totas las minoritats contra l’empèri.
Au contra d’ua museificacion a hum de calhau, haciam de Montsegur un espaci viu e d’emancipacion.
Amassa, bastim un far sus aqueste puei, qui esclaire Occitania tota e que’ns obresca au monde.
Concèrts, conferéncias e accions
Siam nombrós !
Dix ans après les manifestations d’Anem Òc, Carrièras Occitanas continue d’affirmer l’occitan comme langue vivante, populaire et de société.
L’an dernier a Villefranche-de-Rouergue, nous avons fait occitanes les rues tout en portant la maison de Jean Petit. Nous étions nombreux à vouloir faire mouvement.
Alors, nous avons continué de donner vie à un mouvement qui soutient l’idée que nous avons besoin de diversité culturelle comme de diversité écologique ou humaine. Nous défendons une langue pour tous, que nous permets de grandir ensemble dans une société ouverte, consciente de son environnement comme de son histoire. Plus un peuple porte collectivement sa culture, plus il est capable de s’organiser, de créer, d’accueillir et de partager.
Dans ce sens, nous appelons a une manifestation massive à Montsegur les 17 et 18 octobre.
Qu’on l’appelle château cathare ou forteresse royale, Montsegur est d’abord un lieu de refuge qui simbolise aujourd’hui la résistance des minorités contre l’empire.
À l’inverse d’une muséification galopante, faisons de Montsegur un espace vivant et d’émancipation.Ensemble, bâtissons un far sur ce pic, qui éclaire l’Occitanie entière et nous ouvre au monde.
Concerts, conférences et actions.
Soyons nombreux !
Ajudatz-nos ! Mandatz la revirada auvernhata.
Ajudatz-nos ! Mandatz la revirada lemosina.
Ajudatz-nos ! Mandatz la revirada provençala.
Ajudatz-nos ! Mandatz la revirada vivaroaupenca.